श्री गणेशा !

श्री गणेशा !

बुद्धीची देवता श्री गणेश व विद्येची आराध्य देवता माता सरस्वती यांच्या कृपाशिर्वादाने आज संकष्टी चतुर्थीच्या दिवशी संवादाच्या या एका नव्या दालनाला सुरुवात करीत आहे. संवाद... या हृदयाचा त्या हृदयाशी ! यापुढे माझे काही विशेष लेखन आपणास गिरीश कुळकर्णी मदतीचा हात या ब्लॉगवर वाचावयास मिळतील. सोशल मिडीयावर लिहिलेले सर्वच इथे असणार नाही. अगदी निवडक, मला जे लिहून मनापासून आवडले,  भावले ते इथे खास आपल्यासाठी देणार आहे. आपल्या सर्वांकडून अपेक्षा आहे आपण आवर्जून वाचून आपला प्रतिसाद नोंदवावा व प्रोत्साहित करावे. लिखाणातील निर्मिती हि बहुतांश वेळेस वाचकांच्या आवडीतून निर्मित होते असा माझा विश्वास आहे.

मित्रहो, खूप दिवसापासून आपला स्वतःचा ब्लॉग सुरु करावा अशी इच्छा होती. विविध वर्तमानपत्रे, मासिके व सोशल मीडियावरील लिखाण वाचल्यानंतर अनेक जण विचारात तुमचा ब्लॉग नाही का ? नाही असे म्हणतांना मन खट्टू व्हायचे मात्र त्यामुळे काही अडत नाही असा पूर्वग्रह असल्याने व त्यावेळी त्याचे फारसे महत्व वाटत नसल्याने तो तयार झाला नव्हता. सध्याच्या लोक डाऊनमध्ये अनेक गोष्टी केल्या पाहिजे असे ठरविले त्यातील एक म्हणजे प्रलंबित असलेले ब्लॉग तयार करण्याचे काम...आज सकाळी मित्रवर्य दिलीप तिवारींनी त्याला बळ देत आग्रहच धरला, आज हे काम नक्की करा असे सांगितले. माझ्या काही मित्रांचा आग्रह मोडता येत नाही त्यातील दिलीपराव !  आजपासून हि ब्लॉग सेवा सादर करतांना मनापासून आनंद होत आहे. किती सोपं काम आणि आपण किती दुर्लक्ष केला याची जाणीव झाली.

पुन्हा एकदा विनंती आपण येथे यावे, व्यक्त व्हावे, विषय सुचवावे आणि महत्वाचे आपणही आपला ब्लॉग तयार करुन त्यावर लिखाण सुरु करावे... मदतीचा हात कायम आपल्यासाठी !